"ត្រូវដឹង! គ្រប់អាយុ ១៥ ឆ្នាំ សុទ្ធតែអាចធ្វើអត្តសញ្ញាណប័ណ្ណបាន ខណៈនេះជាឯកសារដែលត្រូវមានពេលទៅធ្វើ"

គ្រប់ប្រជាពលរដ្ឋដែលមានអាយុគ្រប់ ១៥ ឆ្នាំសុទ្ធតែអាចទៅថតអត្តសញ្ញាណប័ណ្ណសញ្ជាតិខ្មែរបានគ្រប់គ្នា ដោយពុំចាំបាច់មានការជូនដំណឹងពី សមត្ថកិច្ច ឬអាជ្ញាធរក្នុងមូលដ្ឋានជាមុនអំពីការថតនោះទេ។ នេះបើតាមប្រសាសន៍របស់ ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម ។

ដោយឡែកចំពោះឯកសារដែលត្រូវតែមានពេលទៅធ្វើសម្រាប់ប្រជាពលរដ្ឋដែលគ្រប់អាយុ ១៥ឆ្នាំនេះរួមមាន ៖

• សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត ដែលចេញដោយមន្ត្រីអត្រានុកូលដ្ឋាន ឃុំ សង្កាត់ ឬ ចេញដោយសាលាក្រុង ស្រុក ខណ្ឌ ដែលបានចុះបញ្ជី ឬចេញដោយនាយកដ្ឋានអត្រានុកូលដ្ឋាន
• សៀវភៅស្នាក់នៅ ឬសៀវភៅគ្រួសារ (ច្បាប់ដើម ឬច្បាប់ចម្លងមានបញ្ជាក់ត្រឹមត្រូវតាមច្បាប់ដើម)